When Do You Recite The Dua For Breaking The Fast?
دروزہ افطار کرنے کی دعا کب پڑھیں ؟
کیا فرماتے ہیں علمائے دین و مفتیان شرع متین اس مسئلے کے بارے میں کہ افطار کی دعائے ماثوره (اللهم لک صمت و بک امنت و علیک توکلت و علی رزقک افطر) کس وقت پڑھنی چاہیے ؟ افطاری کرنے سے پہلے یا افطاری کرنے کے بعد ؟
جواب
بسم الله الرحمن الرحیم
بعون الملك الوهاب اللهم هداية الحق والصواب
احادیث طیبہ سے یہ بات واضح ہے کہ افطار کی دعا افطار کرنے کے بعد پڑھنا سنت ہے۔
امام ابو داؤد رحمہ اللہ تعالی علیہ حضرت معاذ بن زہرہ رضی اللہ تعالی عنہ سے روایت کرتے ہیں
أنه بلغه أن النبي صلى الله تعالی علیه و آله و سلم كان إذا أفطر قال: اللهم لك صمت و علی رزقك افطرت
یعنی ان کو خبر پہنچی کہ نبی پاک صلی اللہ تعالی علیہ وآلہ وسلم جب افطار کر لیتے تو یہ دعا پڑھتے : اے اللہ میں نے تیری رضا کی خاطر روزہ رکھا اور تیرے رزق پر افطار کیا۔ (سنن أبی داؤد جلد 4، صفحه 40، حدیث 2358، مطبوعہ بیروت)
امام محمد بن عبد اللطيف المعروف ابن الملک اور امام حسین بن محمود المظہری رحمہما اللہ تعالیٰ اس حدیث کی شرح میں فرماتے ہیں
يقرأ هذا الدعاء بعد الإفطار
یعنی یہ دعا افطار کرنے کے بعد پڑھی جائے گی۔
حضرت علامہ علی قاری رحمہ اللہ تعالیٰ مرقاۃ المفاتیح میں فرماتے ہیں
كان إذا أفطر قال أى دعا، وقال ابن الملك : أي قرأبعد الإفطار
ترجمہ: (جب افطار کرتے تو کہتے ) یعنی دعا کرتے ، علامہ ابن الملک نے کہا: یعنی افطار کرنے کے بعد یہ دعا پڑھتے تھے۔
فتاوی رضویہ میں ہے: "مقتضائے سنت یہی ہے کہ بعد غروب جو خرمے یا پانی وغیرہ از قبل نماز افطار معجل کرتے ہیں اُس میں اور علم بغروب شمس میں اصلا فصل نہ چاہئے یہ دعائیں اس کے بعد ہوں۔
0 Comments